Ұстаздар білім беруге ден қоюдың орнын ұзақ жылдар бойы қара жұмысқа жегіліп келгенін, мәлімдеді деп хабарлайды Alash.kz.
Мектеп директоры пәрменімен олар мектеп ауласын тазалап, спортзал мен кабинеттерді жөндеп, басшының жеке шаруашылығына көмектесуге дейін мәжбүр болған. Бұл жайлы Ulysmedia.kz порталы жазды.
“31 арна” ақпаратына сәйкес, ұстаздар директор үйінің, қыстағының шаруасын реттестірген:
“Мен енді мектептің спортзалын істедім, пластик терезелерін істедім, акт залға ремонт жасадық. Жалғыз мен емес ұлдардың бәрі істеді. Үйінің, қыстағының жұмысын істедік” – дейді Ернар Нұрғазин есімді мектеп мұғалімі.
Сонымен қатар, 19 мұғалім директордың атына арыз түсірген. Мұндай арыздың жазылуына директордың қит етсе мұғалімдерден ақша жинайтын әдеті себеп болған. Арыздан кейін директор қызметтен түсіп, мұғалім ғанс болып қалған. Бірақ ұстаздарға қысым көрсетуін тоқтатпағаны хабарланды:
“Бізге қысым көрсетіп жатыр. Қағып-соғып, қоқаң-лоққы жасап. “Жазғышбектер” деп” – дейді Нұржан Сағадиев есімді мұғалім.
Ал білім ошағының бұрынғы басшысы бұның бәрін жоққа шығарып өзіне шаң жуытпайды.
“Кезінде көмек ретінде күйеу балам, інілерім барғаны рас. Маған арыз жазғандардың ішінде күйеу балам да жүр. Терпила деп айтқаным рас болуы мүмкін. Өйткені мені жазғаннан кейін олар терпила. Бірақ боқтаған жоқпын” – дейді мектептің бұрынғы директоры Роллан Тілеуханов.
Ал мұғалімдер тиісті жазасын алуын сұрап отыр.
