Путин мен Зеленский алдағы үш апта ішінде кездесуі мүмкін. Бұл туралы АҚШ президенті Дональд Трамптың арнайы өкілі Стив Уиткофф хабарлады, деп жазады Alash.kz.
«Біз [Дональд Трамптың күйеу баласы] Джаред [Кушнермен] бірге екі тарапқа да алдағы үш апта ішінде оларды жақындастыра алатын белгілі бір нұсқаларды ұсындық деп үміттенеміз, әрі бұл тіпті [Украина президенті Владимир] Зеленский мен [Ресей президенті Владимир] Путиннің саммитіне алып келуі де мүмкін. Белгілі бір кезеңде бұл президенттің қатысуымен өтетін үшжақты кездесу болуы ықтимал. Көре жатармыз. Сондықтан алдағы апталарда жақсы жаңалықтар естисіздер деп үміттенемін», - деді Уиткофф Fox News телеарнасына берген сұхбатында.
