Атырау облысындағы Жангелдин трагедиясына қатысты жаңа дерек пайда болды, деп жазады Alash.KZ.
Қаралы отбасының қызы Ақбаян Мұқанғалиева да күдікке ілінді.
Бұған дейін белгілі болғандай, Мақсот Қарабалин мен Нәсіп Өтешқалиеваны өлтірді деген күдікке ілінген Сұлтан Сәрсемәлиев пен оның келіншегі Ақбаян Мұқанғалиева Индонезияда ұсталған. Қазір оларды Қазақстанға әкелу мәселесі қарастырылып жатыр.
Кеше Ішкі істер министрінің орынбасары Санжар Әділов:
«Кеше ғана күдіктілер Индонезия мемлекетінде ұсталды. Қазір оларды елге алып келу мәселесі шешіліп жатыр. Тергеу амалдары белсенді түрде жүргізіліп жатыр. Қажетті сараптамалар тағайындалған. Интерпол мен Қазақстан полициясының қызметкерлері бірлесіп, арнайы топ құрып, сол топтың жұмысының нәтижесінде күдіктілер ұсталды. Екеуі де күдікті. Тергеу аяқталғаннан кейін толық ақпарат беріледі», - деген.
