Жаңаөзеннің қыздары жұрттың жағасын ұстатты (ВИДЕО)

Маңғыстау облысында жасөспірім қыздар арасындағы төбелес жұрттың жағасын ұстатты, деп жазады Alash.KZ.

Маңғыстау облыстық полиция департаментінің мәліметінше, оқиға 18 қазанда Жаңаөзен қаласында болған.

Полиция мәліметінше, алдымен бір қыз өз қатарласын ұрып-соққан, алайда екінші төбелес кезінде өзі жапа шеккен. Qaz365.kz сайтының жазуынша, қақтығыстың себебі нақтыланбаған.

Барлық қатысушылар ата-аналарымен бірге полиция бөліміне жеткізілді. Кәмелетке толмағандарды тиісінше тәрбиелемегені үшін ересектерге 10 АЕК (36 920 теңге) көлемінде айыппұл салынды.

Іс материалдары кәмелетке толмағандар ісі жөніндегі комиссияға жолданды. Қыздар профилактикалық есепке қойылды.