Спорт министрлігі спорттық этика ережелерін жаңартты. Енді "елдің имиджіне нұқсан келтіретін" кез келген нәрсеге тыйым салынады, деп жазады Alash.KZ.
Жаңа ережеге сәйкес, спортшылардан, жаттықтырушылардан, төрешілерден ұстамдылық таныту, саяси пікірталасқа араласпау, жастарға үлгі болу талап етіледі.
Сондай-ақ спортшыларға төрешілермен айтысуға, балағат сөз айтуға және діни сенімдерін көпшілік алдында көрсетуге рұқсат берілмейді.
Жаңа ереже 19 шілдеде күшіне енеді.
