"Жағдайы – орташа ауырлықта" - Астанада цирк қойылымы кезінде гимнаст қыз 5 метр биіктіктен құлап кетті (Видео)

Оқыс оқиға 18 мамыр күні болған. Өнер көрсетіп жатқан гимнаст қыз биіктіктен құлап түсіп, әріптестері оны сахнадан дереу көтеріп алып кетті, деп жазады Alash.KZ.

Астана қалалық Қоғамдық денсаулық сақтау басқармасы бұл ақпаратты растады.

«Науқасқа бас-сүйек ми жарақаты және ми шайқалуы диагнозы қойылды. Жалпы жағдайы – орташа ауырлықта, тұрақты. Қазіргі уақытта пациент ояну палатасында жатыр», – делінген басқарма хабарламасында.