Иран бұрынғы рухани көсемі Әли Хаменеймен қоштасып жатыр (ВИДЕО)

Иранда елдің бұрынғы Жоғарғы көшбасшысы Әли Хаменеймен қоштасу рәсімі жалғасуда, деп жазады Alash.KZ

Мемлекеттік аза тұту шаралары оның қаза тапқанынан кейін шамамен 4 ай өткен соң ұйымдастырылып отыр. Жерлеу рәсімінің кейінге шегерілуіне Ирандағы соғыс жағдайы мен қауіпсіздік мәселелері себеп болған.

Әли Хаменей 2026 жылғы 28 ақпанда Иранға жасалған АҚШ пен Израильдің бірлескен алғашқы әуе шабуылдары кезінде қаза тапты.

Шабуыл салдарынан Әли Хаменеймен бірге оның бірнеше жақын туысы да көз жұмды. Олардың қатарында қызы, күйеу баласы, келіні және немересі болған.

Қоштасу рәсімі Тегеранда басталып, кейін бірнеше қалада жалғасады. Ал 9 шілдеде Әли Хаменейді туған қаласы Мешхедтегі Имам Реза кесенесі аумағында жерлеу жоспарланған.