FlyArystan басшысы жеке тұрғыннан кешірім сұрады, деп хабарлайды Alash.kz ұлттық порталы.
Компания өздерінің ағаттығы үшін 12 жасар қыздың анасы Жазира Мусинадан кешірім сұрау үшін Оралға келді.
Sputnik.kz мәліметінше, әуекомпаниясының басшысы Ричард Леджер 21 шілдеде "Астана-Орал" рейсіне жіберілмеген 12 жасар қыз Зере Галиеваның анасымен кездесу үшін арнайы Орал қаласына ұшып келді.
Тараптар болған жағдайдың себептерін егжей-тегжейлі талқылады.
Бұған дейін жасөспірімнің анасы әлеуметтік желіде FlyArystan-нан келген хатты жариялады.
Онда компания 4 миллион теңгені моральдық өтемақы ретінде ұсынғаны белгілі болды.
Бірақ жәбірленуші келіспей, сотта кездесетіндерін мәлімдеген.
