Маңғыстау облысындағы оқу-жаттығу кезінде Каспий теңізіне кеткен әскери қызметшілердің арасынан аман қалған 2007 жылы туған Темірхан Ақжол есін жиып, жағдайы белгілі болды, деп хабарлайды Alash.kz.
Блогер Азамат Сәрсенбайдың айтуынша, ол — осы қайғылы оқиғадан аман қалған жалғыз әскери қызметші. Ауруханаға жеткізілгеннен кейін сарбаздың денсаулығына қатысты әлеуметтік желілерде түрлі қауесеттер тараған болатын. Дегенмен қазіргі таңда дәрігерлер тарапынан барлық қажетті медициналық көмек толық көрсетіліп, әскери қызметшінің жағдайы тұрақталды. Денсаулығы жақсарғаннан кейін Темірхан Ақжол арнайы оңалту курсынан өтетін болады.
