Қазақстан тарихының көптомдығын баспаға дайындау жұмыстары қызу жүріп жатыр, деп жазады Alash.kz.
Бұл туралы Вице-Президент Ерлан Қарин желідегі парақшасында мәлімдеді.
— Қазақстан тарихының көптомдығын баспаға дайындау жұмыстары қызу жүріп жатыр. Қазір академиялық еңбектегі терминологияны біріздендіру, тарихи материалдар мен иллюстрацияларды жүйелеу, мәтіндерді редакциялау, беттеу және басқа да баспа алдындағы жұмыстар атқарылуда, – деді Ерлан Қарин.
Оның айтуынша, көптомдықты әзірлеуге жауапты редакторлармен өткен кездесуде еңбекті баспа талаптарына сай дайындау мәселелері қаралған.
– Осы іске жауапты редакторлар ұжымымен бірге күн тәртібіндегі мәселелерді талқыладық. Академиялық басылымның баспаға сапалы әрі талапқа сай дайындалуына қатысты атқарылып жатқан шаруалардың барысын сараладық. Бұл бағыттағы жұмыс жүйелі түрде жалғасады, — деп жазды Ерлан Тынымбайұлы.
