Бішкек көшелерінде балаларды қуалаған жалаңаш жүрген ер адамды іздеу жұмыстары жүргізілуде, деп жазады Alash.KZ
Әлеуметтік желілерде тараған видеода ер адамның айқайлап, мектеп оқушыларын қуғаны анық көрінеді. Оқиға куәгерлерінің айтуынша, ол 4-шағын ауданда да байқалған. Сол жерде оның қолында травматикалық қаруға ұқсас зат болғаны айтылды.
«Ересектер қарап тұр, жалаңаш, есі дұрыс емес ер адам балаларды қуып бара жатыр, бірақ еш әрекет жоқ! Балаларды қолынан ұстап, ашық тұрған ғимаратқа кіріп, есікті жауып, полиция шақырудың орнына — соңына дейін қарап тұрады. Тіпті әлгі адам жүгіріп өтіп кеткеннен кейін де ештеңе істемейді. Таза нөл әрекет!» деп жазды Threads қолданушысы
Сондай-ақ, куәгерлер ер адамның осы аудандағы көліктердің біріне зақым келтіргенін хабарлады.
