АҚШ президенті Дональд Трамп 27 наурыз күні Кубаға қатысты мәлімдеме жасап, кейін журналистерден өз сөздерін елемеуді сұрады, деп Alash.kz.
Ол Майамиде өткен Future Investment Initiative іс-шарасында «Куба – келесі» деп атап өткен. Алайда артынша БАҚ өкілдеріне бұл сөздерді «айтылмағандай қабылдауды» өтінген.
Соған қарамастан, Трамп кейінірек бұл мәлімдемесін қайталап, АҚШ өз егемендігін қорғауды жалғастыратынын және «радикалды солшыл демократтардың» әрекеттеріне қарамастан қадам жасайтынын жеткізді.
Бұған дейін де Дональд Трамп Кубаға қатысты бірнеше рет мәлімдеме жасаған. Наурыз айының басында ол АҚШ-тың аралға қатысты әскери операциясы уақыт мәселесі екенін айтқан. Кейін Кубаны «бақылауға алуды» немесе «азат етуді» ұсынған.
Ал Сергей Лавров Кубаға қатысты АҚШ тарапынан қысым жасау әрекеттерін қолдамайтынын мәлімдеген.
