Енді Өзбекстан азаматтары Америкаға барып жұмыс істей алады

Өзбекстан азаматтары H-2A бағдарламасы бойынша АҚШ-тың ауыл шаруашылығы саласында 10 айға дейін жұмыс істеуі мүмкін, деп жазады Alash.KZ 

Бұл жөнінде америкалық USA Farm Labor компаниясының негізін қалаушы әрі бас директоры Мануэль Фик Ташкенттегі бірінші халықаралық көші-қон форумы кезінде айтты. Оның сөзінен Өзбекстан сыртқы істер министрлігіне қатысы бар «Дүние» басылымы үзінді келтіреді.

Оның айтуынша, компания Өзбекстан үкіметімен бірлесе отырып, өзбек азаматтарын АҚШ-тың ауыл шаруашылық саласына тарту мүмкіндігін кеңейтуге күш салып жатыр.

"Бұл ынтымақтастық америкалық жұмыс берушілерге жұмыс күші тапшылығы мәселесін шешуге көмектеседі және өзбек азаматтарына шетелде ақша табуға және өмір сүру сапасын жақсартуға мүмкіндік береді" деді Мануэль Фик.