Танымал журналист Аман Тасыған қара жамылды. Оның аяулы әжесі 90 жасқа қараған шағында дүниеден өтті, деп жазды Alash.kz.
Қаралы хабарды журналист өзінің әлеуметтік желідегі парақшасында жариялап, жүрекжарды жазбасын бөлісті.
«Бір жыл бұрын ғана арамызда жүрген асыл апам бүгін жанымызда жоқ. Журналист болып ел алдына шығуыма осы кісінің тәрбиесі мен тәлімі себеп болды. Мені жұбатқысы келген жандарға алғыс айтамын. Бірақ жүрекке түскен ауырлық оңай емес. Сағыныш күн сайын күшейіп барады», – деп жазды ол.
Аман Тасыған әжесінің 90 жасқа келіп, ұрпағының алдында өмірден өткенін айтқанымен, өз тарапынан орындалмай қалған армандары көп екенін жеткізді.
«Апамның арманы жоқ шығар, бірақ менің апама қатысты арманым көп еді. Енді менің басымнан кім сипайды? Енді кімге еркелеймін, апа?» – деп жазды журналист.
Желі қолданушылары мен әріптестері журналистке көңіл айтып, марқұмның иманды болуын тіледі.
