Желіде "Қайрат" ойыншысы Дастан Сәтпаев пен қақпашы Шерхан Қалмырзаның аналары туралы деректер тарады, деп хабарлайды Alash.KZ сайты Dalanews.kz дерегіне сүйеніп.
Дастанның анасы – Мадина Сәтпаева. Ол әлеуметтік желілерде өзін көп жарияламайтын жан. Дегенмен, ұлы секілді белсенді өмір салтын ұстанады: спортпен шұғылданады, йогаға қызығады, таңғы тәртіпті берік сақтайды.
Дастанның футболға деген ынтасын алғаш байқаған – атасы. Бірақ ол құлшыныстың үлкен алауға айналуына себепкер болған – анасы.
Ал Шерханның анасы – Сәуле Рабаева. Ол медиа саласында еңбек етіп, «Түнгі студия», «Балапан» секілді жобалардың продюсері ретінде танылған.
Бірақ Рабаеваның ең үлкен "жобасы" – ұлы. Шерханның бойындағы қайсарлық та анасының мықты мінезінен нәр алғандай.
