Дәрігерлерге күш көрсеткендер 15 жылға дейін бас бостандығынан айырылады

Бұл туралы Денсаулық сақтау министрі Ақмарал Әлназарова мәлімдеді, деп жазады Alash.KZ.

Министрдің айтуынша, Мемлекет басшысының тапсырмасына сәйкес, Қылмыстық кодекске медицина саласы қызметкерлерін қорғауға арналған жаңа нормалар енгізілмек.

Оның сөзінше, Бас прокуратура және Ішкі істер министрлігімен бірлесіп, жаңа 158-1-бап жобасы әзірленіп жатыр. Бұл бап бойынша:

Егер медицина қызметкеріне күш қолданамын деп қорқытса — 2 жылға дейін бас бостандығын шектеу жазасы;

Егер нақты күш қолдану орын алса — 2 жылдан 7 жылға дейін бас бостандығынан айыру жазасы;

Егер оқиға төтенше жағдай кезінде болса — 10 жылға дейін түрме жазасы;

Ал бірнеше адам бірден бірнеше медицина қызметкеріне күш көрсетсе — 15 жылға дейін бас бостандығынан айыру қарастырылған.