Бразилияда сарапшылар 25 желтоқсанда Ақтау маңында апатқа ұшыраған ұшақтың қара жәшіктерін зерттеуге кірісті, деп хабарлайды Alash.kz ұлттық порталы Ulysmedia.kz порталына сілтеп.
AzeSputnik мәліметінше, қара жәшікті зерттеу жұмыстарына Қазақстан, Әзербайжан мен Ресейдің тергеушілері де қатысып жатыр.
Қайғылы оқиғаның себептерін анықтау үшін виртуалды шындықты пайдаланып графикалық реконструкция жасау жоспарланып отыр, делінген хабарламада.
Бразилияның G1 порталының мәліметінше, қара жәшіктен алынған ақпарат Қазақстанның авиациялық оқиғаларды тергеу департаментіне жіберіледі.
Еске сала кетейік, 25 желтоқсан күні Ақтау қаласының маңында Azerbaijan Airlines әуекомпаниясының Бакуден Грозныйға бағыт алған жолаушылар ұшағы апатқа ұшырап, 38 адам қаза тапты.
