Бішкекте Орталық әмбебап дүкен сауда орталығынан келушілер эвакуацияланды. Алдын ала мәлімет бойынша, құқық қорғау органдарына ғимаратта бомба қойылғаны туралы хабарлама түскен, деп жазды Alash.kz ұлттық порталы.
Оқиғаға байланысты сауда орталығының аумағы қоршауға алынып, арнайы қызмет өкілдері тексеру жұмыстарын жүргізген. Қазіргі таңда ақпараттың ресми расталғаны немесе жарылғыш заттың табылғаны туралы мәлімет жоқ.
Айта кетейік, Бішкектегі ЦУМ бұған дейін де бомба туралы хабарламаға байланысты эвакуацияланған болатын. Сол оқиғада жарылғыш құрылғы туралы ақпарат расталмаған.
