АҚШ пен Иран бейбіт келісім мәтінін келісіп қойғаны туралы ақпарат тарады, деп жазды Alash.kz.
Бұл туралы Пәкістанның премьер-министрі Миан Мұхаммад Шахбаз Шариф X әлеуметтік желісіндегі парақшасында мәлімдеді.
«Бейбіт келісімнің түпкілікті келісілген мәтіні дайын екенін растай аламыз. Қазіргі уақытта Пәкістан екі тараппен де тығыз жұмыс істеп, алдағы қадамдарды айқындап жатыр. Бейбітшілік бүгінгідей жақын болған емес», – деп жазды ол.
Әзірге АҚШ пен Иран билігі бұл ақпаратқа қатысты ресми мәлімдеме жасаған жоқ. Сондықтан келісімнің мазмұны мен оның қашан күшіне енетіні туралы нақты деректер жарияланған жоқ.
Егер бұл ақпарат расталса, онда соңғы айларда шиеленіскен АҚШ–Иран қарым-қатынасын реттеу жолындағы маңызды қадамдардың бірі болмақ.
