Павлодарда ер адам моншада аяусыз соққыға жығылып, көз жұмды, деп жазады Alash.kz ұлттық порталы.
Halyqstan телеграм-арнасының хабарлауынша, қайғылы оқиға 1 сәуір күні болған.
Әлеуметтік желіде бірнеше ер адамның моншада демалып жатқан адамдарды ұрып-соғып жатқан видеосы тарады. Жәбірленушілердің бірінің басына ауыр соққы тиіп, алған жарақатынан көз жұмған.
Павлодар облыстық полиция департаменті бұл оқиға бойынша қасақана ауыр дене жарақатын келтіру бабымен қылмыстық іс қозғалғанын хабарлады.
«Күдіктілер жедел іздестіру барысында ұсталып, уақытша ұстау изоляторына қамалды. Қазіргі таңда қылмыстың себептері мен барлық мән-жайын анықтау үшін тергеу амалдары жүргізілуде», – деп мәлімдеді полиция өкілдері.
