Бас бапкер Самат Смақов «Жетісу» командасындағы қызметінен кетті. Бұл жөнінде талдықорғандық команданың баспасөз қызметі хабарлады, деп жазды Alash.kz.
Самат Смақов 1978 жылы дүниеге келген. 1997-2017 жылдары қазақстандық, ресейлік және түркиялық клубтарда ойнады.
2018 жылдан бері бапкерлікпен айналысады. Өткен жылдан бері талдықорғандық «Жетісу» клубының бапкері болып келді.
Биыл Самат Смақов Қазақстан Премьер-лигасының V турындағы «Ордабасы» мен «Жетісу» кездесуінде бас төрешіге тіл тигізді. Оның әдепсіз сөз айтқаны желіде тарады. Осыған байланысты ол төрт ойыннан шеттетілген еді.
