“Бар жақсыға лайықсың”: Елдос Сметов жұбайына қымбат көлік сыйлады (ВИДЕО)

Танымал спортшы, дзюдодан Қазақстанның тұңғыш Олимпиада чемпионы Елдос Сметов жұбайы Балаусаны туған күнімен құттықтап, қымбат көлік сыйлады, деп жазады Alash.kz ұлттық порталы.

Спортшы сый ретінде Hyundai Palisade жол талғамайтын көлігін таңдаған.

Желіде тараған бейнежазбада Елдос Сметов жаңа автокөліктің кілтін салтанатты түрде жұбайына табыстаған сәті көрініс тапқан.

Айта кетейік, Елдос пен Балауса үш қыз бен екі ұл тәрбиелеп отыр.