Ақтау қаласында әйел адамға қатыгездікпен шабуыл жасалып, бұл қылмысты іске асырды деген күдікпен жәбірленушінің заңды күйеуі күзетпен қамауға алынды, деп хабарлайды Alash.kz.
Жәбірленуші тараптың туыстары күдіктінің бұған дейін де өз жұбайын, балаларын және оның жақын туғандарын өлтіріп кететінін айтып, бірнеше мәрте қоқан-лоқы көрсеткенін алға тартады.
«Сол күні таңертең ол қарындасыма «егер сыртқа шығып сөйлеспесең, балаларды өлтіріп тастаймын» деп сес көрсетіп, оны үйден алдап шығарған. Қарындасым кездесу орнына барған кезде, ол оны аяусыз соққыға жығып, денесінің бірнеше жеріне пышақ салған», — деп мәлімдеді зардап шегушінің әпкесі.
Өңірлік полиция департаменті бұл оқиғаға қатысты ресми түрде қылмыстық іс қозғалғанын мәлімдеді. Қазіргі уақытта күдікті құрықталып, соттың шешімімен санкцияланып, уақытша ұстау изоляторына қамалды.
