Сенатор Марат Қожаев өзінің депутаттық сауалында неліктен жол ережесін жиі бұзатындарға айыппұл көлемін көбейту мен 50 пайыз жеңілдікті алып тастауға қатысты ұсынысын журналистерге түсіндірді, деп жазады Alash.KZ.
Журналистерге берген сұхбатында сенатор:
"Қаңтар айында Алматы қаласында болғанымызда, мәселелермен таныстық. Сонда көз жеткізгеніміз - көліктеріне қымбат нөмір таққан ондаған жас жігіттер айыппұл төлеуді күнделікті шығынға айналдырып алғандарына көз жеткіздік. Жол ережесін бұзуды, көлікті қатты жүргізуді күнделікті әдетке айналдырып алған. Бірақ оларға айыппұлдан басқа ешқандай жаза қолданылмайды екен. Біздің заң бойынша солай. Ал штрапты тезірек төлесеңіз, 50% қана төлейсіз. Қарапайым халыққа 14 мың теңге тәуір шығын болса, оларға 7 мың теңгені төлеу күнделікті майда-шүйде шығынға айналып кеткен. Сондықтан оларға басқа штрап қолдану керек. Оларды да тәртіпке тарту керек қой" дейді, Марат Қожаев.
