Ташкентте 12 жасар жасөспірімге автобуста сексуалдық қысым көрсеткен, деп хабарлайды Alash.kz.
ІІМ тергеу департаментінің баспасөз қызметі 1988 жылы туған азаматқа қатысты Өзбекстан Республикасы Қылмыстық кодексінің «Он алты жасқа толмаған адамға қатысты әдепсіз әрекеттер» бабы 3-бөлігі бойынша 5 жылдан 8 жылға дейін бас бостандығынан айыруға әкеп соқтыратын 12 жасар жасөспірімге жыныстық сипаттағы қысым жасағаны үшін іс қозғалғанын хабарлады.
Қылмыскер қазір қамауда отыр.
Анықталғандай, ол қылмыс жасаған кезде қатты алкогольдік масаң күйде болған және не істегенін есіне түсірмеген.
Оқиғадан кейінгі келесі күні оны профилактикалық инспектор ұстаған.
Жасағанына өкініп, бала мен ата-анасынан кешірім сұрайды. Жыныстық зорлық-зомбылықтың құрбаны болған 12 жасар бала автобуста ешкім болмағанын, оның қасында мас ер адам отырғанын айтты.
Жасөспірім басқа орынға ауыспақ болған, бірақ ер адам оны өткізбей, қорқыта бастаған. Сондай-ақ ол баланың ернінен сүйген.
Жағдайдан өз бетімен шыға алмайтынын түсінген бала көмекке шақыра бастаған, автобус жүргізушісі көмектескен. Келесі аялдамада ол ер адамды қоғамдық көліктен шығарып жіберген. Қылмыскер екі қыздың әкесі екені атап өтілді.
