Сыбайлас жемқорлыққа қарсы іс-қимыл агенттігінің Шығыс Қазақстан облысы бойынша департаменті ҚР ҚК 190-бабының 4-бөлігінің 3-тармағында көзделген ауыр қылмыс жасағаны үшін Ресей Федерациясының азаматын іздестіріп жатыр, - деп хабарлайды Alash.kz ұлттық порталы Massaget.kz сайтына сілтеме жасап.
"Қапенов Азамат Абайұлы, 12.04.1978 жылы туған, Пржевальск қаласы, Қырғыз Республикасының тумасы. Бұлтартпау шарасы – "Қамауда ұстау", - делінген хабарламада.
Антикор іздестіруге көмектескендерге сыйақы берілетінін және деректері құпия сақталатынын айтып отыр.
Айта кетейік, БАҚ-та Азамат Қапенов "Кәрім Мәсімовтің бұрынғы күйеу баласы" ретінде аталады.
