Астанада жақын адамын мерекемен ерекше құттықтағысы келген 39 жастағы тұрғынның әрекеті әкімшілік қамаққа алуына себеп болды, деп жазады Alash.kz.
Ер адам түнгі уақытта отшашу атып, айналасындағы тұрғындардың тыныштығын бұзған. Осыған байланысты полиция оған ұсақ бұзақылық жасағаны үшін әкімшілік хаттама толтырды.
Істі қараған сот ер адамның әрекетін құқық бұзушылық деп танып, оны 5 тәулікке әкімшілік қамаққа алу туралы шешім қабылдады.
Осы орайда полиция өкілдері қала тұрғындарын түнгі уақытта отшашу атпауға және өзгелердің тыныштығын құрметтеуге шақырды.
