Астанада пәтерді арзан сатамыз деп, тұрғындарды алдаған төрт қызметкер сотталды

Іс «Qyran» тұрғын үй кешеніне қатысты болған. Сот мәліметінше, компанияның төрт қызметкері пәтерлер мен автотұрақтарды нарықтағыдан төмен бағамен ұсынып, азаматтардан ақша алған. Алайда кейін сатып алушыларға меншік құқығын бермейтін жалған құжаттар рәсімдеген, деп жазады Alash.KZ.

Сот төрт айыпталушыны 8-9 жылға бас бостандығынан айырды.

Қылмыстық іс бойынша 35 адам жәбірленуші деп танылған. Олардың пайдасына 2,2 млрд теңгеден астам қаржы өндіріледі.

Сонымен қатар компанияның пайдасына 3,9 млрд теңге өндіріп алу туралы шешім қабылданды.