Асқар Мұстабеков ҚР Қорғаныс министрінің орынбасары лауазымына тағайындалды, деп хабарлайды Alash.kz.
«Мемлекет басшысының өкімімен Асқар Досбосынұлы Мұстабеков Қазақстан Республикасы Қорғаныс министрінің орынбасары лауазымына тағайындалды, ол бұрынғы атқарған лауазымынан босатылды», - делінген Ақорданың хабарламасында.
Бұған дейін, 2024 жылдың қаңтарынан бастап, А. Мұстабеков Ұлттық қорғаныс университетінің бастығы қызметін атқарған болатын. Оған дейін аталған оқу орны бастығының оқу жұмысы және оқу-әдістемелік басқармасына жетекшілік ету жөніндегі бірінші орынбасары лауазымында болды.
