Әскерде таяқ жеп, бірнеше ай бойы комада жатқаг Ербаян Мұхтарды емдеуге Еуропаға алып кетеді, - деп хабарлайды Alash.kz ұлттық порталы.
"Жинап берген ақшаға емдетіп, баламның орнынан тұрғанын қалаймын. Үкіметтен де көмек сұрап, Ақмарал Әлназаровамен (денсаулық сақтау министрі) кездестік. Уәде берді, сол уәдесінде тұрса деймін", – дейді Ербаянның анасы Гүлсім Қамиева.
Ербаянның ата-анасына министр Әлназарова Еуропаға тасымалдау жағын қарастырып беремін деп уәде айтқан.
"Германияның клиникаларымен келіссөз жүргізіп жатырмыз. Ең мықты деген екі-үш клиника Ербаянды қабылдаймыз деп отыр. Халық жинап берген қаржының жартысы ұшақпен жеткізуге кетейін деп тұр. Мемлекет тарапынан жеткізу жағына көмек болмаса, қаржы тапшылығына байланысты емді аяғына дейін ала алмаймыз", - дейді Ербаянның әкесі.
