Астанада тұрғын үй кешенінің лифтінде бес жастағы балаға жасалған шабуылдан кейін, шизофрениямен ауыратын жасөспірімнің қатысуымен тағы бір видео желіде пайда болды, деп хабарлайды Alash.kz.
Бейнебақылау камераларындағы кадрлар жасөспірімнің баланың қолындағы күректі тартып алып, оны қолында ұстап тұрғанын көрсетеді. Бұл жолы оның құрбаны қыз бала болуы мүмкін еді.
Оқиға бірінші қабатта болған: қыз бала лифт ішінде тұрған, ал агрессивті жасөспірім сыртта тұрып, есіктің жабылуына кедергі келтірген. Қыз бала батырманы басып, кетуге тырысқанымен, шабуылдаушы оған мүмкіндік бермеген. Бір сәтте ол тіпті пышақ шығарған.
Абырой болғанда, жасөспірімнің назарын басқа нәрсе аударып, ол кенеттен оқиға орнынан кетіп қалған.
Қыз бала физикалық шабуылға ұшырамағанымен, қатты күйзеліске түскен.
Еске сала кетейік, бұл жағдай бойынша қылмыстық іс қозғалған.
Қажетті тергеу амалдары аяқталғаннан кейін шабуылдаушы жасөспірім белгіленген тәртіп бойынша оқшауланатын болады.
Ал беті кескіленген бес жастағы бала ауыр халде жатыр, бірақ дәрігерлердің айтуынша, өміріне тікелей қауіп төніп тұрған жоқ.
