Армения мен Әзербайжан ымыраға келді

Ереван мен Баку бірнеше онжылдыққа созылған қақтығысқа қатысты бейбіт келісімде бір ымыраға келді. Әзербайжанның сыртқы істер министрлігі «Армениямен бейбіт келісім мәтіні бойынша келіссөздер процесі аяқталғанын» мәлімдеді, деп жазады alash.kz.

Қос тарап бейбітшілік пен мемлекетаралық қатынастар орнату туралы келісімге қол қоюға дайын екенін білдірді. Алайда құжатқа қашан қол қойылатыны әзір белгісіз.

Осыған дейін Армения мен Әзербайжанның бейбіт келісімдегі 17 баптың 15-ін өзара келіскені туралы айтылған болатын. Халықаралық сот инстанцияларында бір-біріне талап арыз беруден бас тарту және шекарада үшінші күштердің орналасуына жол бермеу туралы екі тармақ қана мақұлданбаған еді.