Кәмелет жасқа толмаған қызға зорлық пен буллинг жасалды. Ақтөбе облысында көршісінен қиянат көрген 15 жастағы жасөспірім қыз ғаламторда ауыр психологиялық қысым мен қорлыққа ұшырады, деп жазады Alash.KZ
Желі белсенділері түсірген бейнежазба ғаламтор бетінде жарияланғаннан кейін қыз қатты күйзеліске түсіп, тіпті өзіне қол жұмсамақшы болған, жақындары мен үйінен безіп кетпекші болады. Осыдан кейін зардап шегушінің жақындары тәртіп сақшыларынан көмек сұрауға мәжбүр болды.
Жәбірленушінің туысы Ақмарал Әжіғалиеваның мәлімдеуінше, елді мекенге келген блогерлер осы жағдайға қатысты сюжет әзірлеген. Кейіннен бұл контент отбасы мүшелерінің рұқсатынсыз әлеуметтік платформаларда кеңінен таралып кеткен.
Бейнематериал жарық көрген сәттен бастап кәмелеттік жасқа толмаған қыздың дарегине айтылатын жағымсыз сөздер қарша бораған. Ересек адамдардың тарапынан былапыт сөздер айтылып, оған түрлі лақап аттар тағылған. Сондай-ақ оның зиянды әдеттерге әуестігі, ішімдік тұтынатыны және бозбалалармен көңіл жарастыратыны жайлы шындыққа жанаспайтын қауесеттер де қаптаған.
Әпкесінің сөзіне сүйенсек, бұл жайттар баланың психикасына өте ауыр соққы болып тиген.
«Бүкіл жақындарымызбен бірге бұл түнді көз ілмей өткіздік. Қыз бала өзіне зақым келтіре ме деп қатты қауіптендік. Егіліп жылаумен болды. Қазір ол ауылда, ата-анасын аңсап, сонда барған еді. Өткен түнде онымен тоқтаусыз бейнебайланыс арқылы сөйлесіп шықтым. Бауырымыздың тағдыры үшін зәреміз қалмады. Ол үйден безіп, өз-өзіне қол жұмсамақшы да болды, бірақ біз оны жалғыз қалдырмауға тырысып жатырмыз. Жанында үнемі адам болғандықтан, ештеңе істей алмады. Ол әлі өте жас, мұндай fesh қоғамдық қысымнан кейін не істерін білмей абдырап қалды», — деді Ақмарал Әжіғалиева.
