Сирия аумағында орналасқан АҚШ әскерлері түгелдей шығарылды. Елдің сыртқы істер министрлігінің X желісіндегі мәлімдемесіне сәйкес, бұған дейін америкалық әскерлер болған Сириядағы әскери нысандар ел үкіметіне толық берілді, деп жазады Alash.KZ.
АҚШ Қарулы күштерінің Орталық қолбасшылығы бұл ақпаратты растады. Америкалық әскери колонна солтүстік-шығыстағы Касрак әскери базасынан техникасын алып шықты.
АҚШ-тың Сириядағы әскери миссиясы 2014 жылдың қыркүйегінде басталған болатын. Биылғы ақпанда Вашингтонның әскери операциясын аяқтап, ел аумағынан 1 мың сарбазын шығаратыны белгілі болды.
