Тірі болсам, қазаққа қызмет етпей қоймаймын!

Әлихан Бөкейхан

АҚШ Ресей мен Беларусьтің 120 ұйымына экспорттық санкция салады

02 сәуір 2022 76
АҚШ сауда министрлігі Ресейдің Украинаға басқыншылығына байланысты Ресей мен Беларусьтің 120 ұйымына экспорттық санкция салады. Құжат АҚШ федералдық тіркеу сайтында жарияланды.



Тізімге қорғаныс, аэроғарыш және теңіз саласымен байланысты ұйымдар енген. Арасында физика-оптика өлшемдері жөніндегі Жалпыресейлік ғылыми зерттеу институты, Мосэлектронпроект, "Звезда" кеме құрастыратын зауыты, Жуковский атындағы аэрогидродинамика институты және өзге мекемелер бар.

Тізімге сонымен бірге Беларусь мемлекеттік қауіпсіздік комитетінің "Альфа" бөлімшесі, Беларусь ІІМ ішкі әскері және Гомель облыстық атқару комитетінің ішкі істер басқармасы да кірген.

Құжатта бұл ұйымдар "АҚШ ұлттық қауіпсіздігі немесе сыртқы саясатының мүддесіне қайшы әрекет еткен" деп көрсетілген.

Бұған дейін Америка билігі тізімге енген ұйымдар АҚШ-тың жоғары технологиясына лицензиясыз қол жеткізе алмайтындығын айтқан. Ал олардың лицензия алу бойынша өтініштері көп жағдайда мақұлданбайды.



Дереккөз
Бұл мақала туралы не ойлайсыз?