АҚШ әскери күштері Венесуэла мұнайымен байланысты, Ресей туы астында жүзген «Marinera» танкерін Атлант мұхитында арнайы операция арқылы тоқтатты, деп жазады Alash.KZ.
Ұлыбритания Қорғаныс министрлігі операцияға британдық әскерилердің қолдау көрсеткенін растады. АҚШ әскери күштеріне алдын ала жоспарланған жедел көмек, соның ішінде база беру қарастырылған.
Бұл оқиға халықаралық деңгейде үлкен резонанс тудырып отыр.
Оқиға туралы:
АҚШ Қарулы Күштерінің Еуропалық қолбасшылығы танкерді Американың санкциялық режимін бұзды деп айыптады.
АҚШ Қорғаныс министрі Пит Хегсеттің айтуынша, кемені ұстау Венесуэла мұнайын тасымалдауға қойылған блокадамен тікелей байланысты.
Бұқаралық ақпарат құралдарының хабарлауынша, танкер бұған дейін Bella 1 деп аталған және Панама туымен жүзген. Ол Ресей юрисдикциясына тек өткен жылдың желтоқсан айында өткен: экипаж Сочиде тіркеліп, кеме атауын «Маринера» деп өзгертіп, Ресей туын ілген.
Ресей СІМ бұған дейін американдық әскерилердің бұл танкерге деген ерекше қызығушылығын «аномальді» деп атаған болатын. Кеме АҚШ жағалауынан 4 мың шақырым қашықтықта болса да, американдықтар оны бірнеше күн бойы бақылауда ұстаған.
Бұл жағдай халықаралық теңіз құқығы мен санкциялық саясат төңірегіндегі қайшылықтарды одан әрі шиеленістіре түсуі мүмкін.
Ресей тарапы бұл оқиғаны «теңіз қарақшылығы» және халықаралық құқықтың өрескел бұзылуы ретінде сипаттап отыр.
Танкердің жағалаудан 4000 км қашықтықта ұсталуы «еркін сауда және кеме қатынасы» принциптерін бұзатыны ерекше атап өтілді.
Сарапшылар Ресей тарапынан «асимметриялық жауап» болуы мүмкін екенін болжайды.
Бұл дегеніміз Ресейлік суларда немесе стратегиялық маңызды аймақтарда батыс кемелерін тексеруді жиілету.
Халықаралық соттарда (мысалы, Гаага немесе теңіз құқығы жөніндегі трибуналдарда) ұзаққа созылатын заңдық күрес.
