Қазақстанда ұшақтар мен әуежайларға тексеріс басталды, деп хабарлайды Alash.kz ұлттық порталы 24.kz-ке сілтеп.
Бастапқы жұмыстар Ақтау, Алматы және елордада жүргізіліп жатыр.
Бұл туралы еліміздің Бас авиация инспекторы Жанат Әбдіғалымов хабарлады. Оның айтуынша, ең бірінші кезекте жолаушылары көп әуежайлар тексеріледі. Әсіресе ұшу, авариялық-құтқару және орнитология жағынан қамтамасыз етуге көңіл бөлінеді.
Сондай-ақ, экипаж құрамы да назарда болады.
Айта кетейік, биыл елде ұшу қауіпсіздігін қамтамасыз ету мақсатында 900-ден астам тексеріс жүргізілген.
