Алматыда қатты нөсер салдарынан Халықаралық әуежайды су басты (ВИДЕО)

Алматыда жауған қатты нөсердің салдарынан қаланың халықаралық әуежайын су басып, жолаушылар мен қызметкерлерді әбігерге салды, деп жазады Alash.kz.

Әлеуметтік желілерде тараған бейнежазбалардан жаңбыр суының ғимарат шатырынан тікелей ішке ағып жатқанын көруге болады. Су тасқыны әуежайдың ең маңызды нүктелері — тексеру және паспорттық бақылау аймақтарына дейін жеткен. Кадрларда әуежай қызметкерлерінің ғимарат ішін судан тазартып, салдарды жоюға тырысып жатқан сәттері тіркелген.
Әуежай әкімшілігі орын алған жағдайды ресми түрде растады. Өкілдердің мәлімдеуінше, қазіргі уақытта қажетті шаралар қабылданып, жағдай бақылауға алынған. Мамандар су басу қаупінің алдын алғандарын және терминалдың қалыпты жұмыс істеуі үшін барлық күш жұмсалып жатқанын хабарлады.