Алматының тергеу изоляторында Қаңтар оқиғасына қатысты тағы 29 адамға үкім оқылды. Alash.KZ сайты Elmedia сайтына сілте жасап, процесті іс жүзінде "Жұмагелдиев – Искаков" ісінің жалғасы деуге келеді деп жазды.
Биыл жыл басында Алматыда 2022 жылғы Қаңтар оқиғасы кезіндегі "адам ұрлау", "билігін асыра пайдалану", "жаппай тәртіпсіздікке қатысу" қылмысына қатысы бар деген айып тағылған 44 адамға сот үкімі шыққан еді.
Сот "Дикий Арман" деген лақап атқа ие Арман Жұмагелдиевке – 20 жыл, Алматы қалалық мәслихатының бұрынғы депутаты Қайрат Құдайбергенге – 8 жыл түрме жазасын кескен.
Осы іс бойынша айып тағылған Ұлттық қауіпсіздік комитетінің 5-департаментінің бұрынғы бастығы Руслан Ысқақов 15 жыл 6 айға түрмеге қамалған еді.
