Алматы мен бірнеше өңірде жарық өшті: KEGOC мәлімдеме жасады

14 тамызда сағат 14:38-де Қазақстанның Біртұтас электр энергетикалық жүйесінде технологиялық бұзылу орын алып, елдің оңтүстік өңірлері мен көршілес мемлекеттерде жаппай электр энергиясы өшіп қалды. Бұл жөнінде KEGOC электр желілерін басқарушы компаниясының баспасөз қызметі мәлімдеді, деп жазады Alash.KZ.

Апат салдарынан Ағадыр – Үлкен және Ақтоғай – Талдықорған жоғары вольтты электр беру желілері ажыратылып, Қазақстанның Оңтүстік аймағы мен Орталық Азияның Біріккен энергожүйесі оқшауланған жұмыс режиміне өтті.