Тірі болсам, қазаққа қызмет етпей қоймаймын!

Әлихан Бөкейхан

Алматы облысында бұқаралық спорт қарқынды дамып келеді: бірінші облыстық футбол турнирінің қорытындысы жасалды

01 шілде 2024 273

Іле ауданы Алматы облысы әкімінің кубогы үшін футболдан бірінші облыстық турнирдің аренасына айналды. Сайысқа облыстың барлық аудандары мен Қонаев қаласынан 10 команда қатысты.

Жарыстың салтанатты ашылу рәсімінде Алматы облысының әкімі Марат Сұлтанғазиев сөз сөйледі. Ол Мемлекет басшысы Қасым-Жомарт Тоқаевтың тапсырмасы бойынша облыста бұқаралық спортты дамыту үшін барлық жағдай жасалып жатқанын атап өтті.

"Біздің облыста футбол жоғары деңгейде дамып келеді. Бір жарым жыл бұрын облыс орталығында әр ауданында филиалдары бар болашақ кәсіби футболшыларды дайындайтын арнайы балалар мен жасөспірімдер спорт мектебі ашылды. Сондай-ақ бізде Қазақстанның екінші лигасында облыстың намысын қорғайтын "Іле-Алатау" кәсіби клубы пайда болды, - деді облыс басшысы.

М.Сұлтанғазиевтің айтуынша, облыста заманауи спорттық нысандар салынып, материалдық-техникалық база жаңартылуда. "Бүгінгі таңда облыстың әр ауданында 10 дене шынықтыру-сауықтыру кешені жұмыс істейді", - деп толықтырды сөзін облыс әкімі.

Әкім турнир қатысушыларына сәттілік пен жарқын жеңістер тіледі.

"Спорттық жарыстар мінезді шыңдайды, командалық рух пен мақсат қоя білуге тәрбиелейді. Сіздердің дайындықтарыңыздың жоғары деңгейі мен спорттық шеберліктеріңізді көрсететініңізге сенімдімін!"

Турнир олимпиадалық жүйе бойынша (шығу арқылы) өтті. Финалда Қонаев қаласының командасы Кеген ауданының ойыншыларын жеңіп, 1-орынды иеленді. Үшінші орынды Іле ауданының өкілдері алды.

Турнир ұйымдастырушылары футболды жыл сайын өткізетін іс-шараға айналдырып, біріктіруші фактор ретіндегі маңызы зор екенін тілге тиек етті.

Бұл мақала туралы не ойлайсыз?