7 жыл бойы туған қызын іздеген ана “Көреміз” ток-шоуынан көмек сұраған. Араға бір ай салып, бағдарлама ұжымы жоғалып кеткен Луиза Тұралиеваны іздеп тапты, деп хабарлайды Alash.kz ұлттық порталы.
Ата-әжесінің қолында өскен 29 жастағы қыз 7 жыл бойы 3 рет тұрмыста болған. Бірінші некесінен 3 айдан кейін ажырасып кеткен. Өз келісімінсіз алып қашып кеткені анықталды. Кейін баласы үш жасқа толғаннан кейін, өз ата-анасының үйінен кетіп қалған. Содан кері оралмаған.
Көреміз тілшілері зерттеу барысында Луизаның 3 рет тұрмыста болғанын айтты. Бірімен үш ай, екіншісімен 2 ай, үшінші жолдасымен 3 жыл 3 ай отасқан. Екі некеден екі қызы бар. Қайын апа енелерінің айтуынша, шаруаға пысық болған. Бірақ ішетіні бар дейді. Кейін оның қайта-қайта кетіп қала беретінін де тілге тиек етті.
Студия қонақтарының айтуынша, бұл стрессте, депрессияда жүрген жанның қылығы дейді.
Журналист Руслан Өтепбай өзінің парақшасында Луизаға жаңа құжат дайындалып, ата-анасының қолында қалған тұңғыш ұлына қарай бара жатқанын баяндады.
Студияға Луизаның өзі келіп, әкесінен зәбір көргенін айтты. Олар жақсы болғанда, мен қаңғып жүрмес едім дейді.
