Әкесін аяусыз ұрған түркістандық тамадаға қандай жаза қолданылуы мүмкін?

Әкесін аяусыз ұрған түркістандыққа екі бап бойынша айып тағылды, деп жазады Alash.KZ.

Бұған дейін желіде ер адамның өз әкесін аяусыз ұрып-соғып жатқаны түсірілген видео тараған еді. Ерлі-зайыптының қарияны ұрып-соғып, аулада сүйреп жүргенін көршісі видеоға түсіріп алған. Зейнеткердің қазасынан кейін ғана олар бұл кадрларды жариялап, полицияға жүгінген. 40 жастағы ұлы мен келіні балаларының көзінше әкесін үнемі сабайтыны анықталған.
 
Тергеу барысында полиция қарияның неден қайтыс болғанын анықтау үшін, эксгумация жасап, марқұмды қазып алған.
 
Нәтижесінде әкесіне қатыгездік танытқан ер адамға екі бірдей айып тағылды:
 
Адамның дәрменсіз екенін көре тұра азаптау; 
 
Денсаулыққа қасақана зиян келтіру. 
 
Енді айыпталушы 10 жылға дейін сотталуы мүмкін.