Түркістан облысының Түлкібас ауданында екі жасар бүлдіршін аула ішіндегі әжетханаға құлап кетіп, қаза тапты, деп хабарлайды Alash.kz.
Қайғылы жағдай 22 шілде күні Ақсу-Жабағылы елді мекенінде тіркелген. Түркістан облыстық Төтенше жағдайлар департаменті өкілдері:
«Алдын ала мәлімет бойынша, 2024 жылы туған бүлдіршін тұрғын үйдің ауласында ересектердің қарауынсыз қалып, абайсызда тереңдігі шамамен 2,5 метр болатын сыртқы әжетханаға құлап кеткен», – деп хабарлады.
Төтенше оқиға орнына Түркістан облысы Төтенше жағдайлар департаментінің құтқарушы топтары, жедел медициналық жәрдем бригадасы, жергілікті полиция бөлімінің өкілдері, сондай-ақ жергілікті атқарушы орган мен орман шаруашылығының мамандары шұғыл жеткен. Арнайы жүргізілген жұмыстардың нәтижесінде құтқарушылар кішкентай баланың денесін сыртқа алып шықты.
