Қарағандыда С.Сәпиев атындағы бокс орталығында ҚазКСР еңбек сіңірген жаттықтырушысы Ғалым Жарылғаповты еске алуға арналған бокстан ерлер және әйелдер арасындағы Қазақстан Республикасы чемпионатының ашылу салтанаты өтті, деп жазады Alash.kz ұлттық порталы.
Іс-шараға бокстан Олимпиада чемпиондары, әлемдік деңгейдегі танымал спортшылар мен құрметті қонақтар қатысты.
Чемпионаттың ашылуында әйгілі америкалық боксшы, Олимпиада ойындарының күміс жүлдегері, жартылай ауыр салмақтағы абсолютті әлем чемпионы Рой Джонс рэп орындап, көпшілікті таңғалдырды.
Айта кетейік, Қарағандыда бокстан Қазақстан чемпионаты 24 желтоқсанға дейін жалғасады. Спортшылар ерлер арасында 13, әйелдер арасында 12 салмақ дәрежесінде бақ сынап жатыр.
