Панаманың оңтүстік жағалауында магнитудасы 7,6 болатын күшті жер сілкінісі тіркелді. Бастапқыда жер сілкінісінің магнитудасы 8 деп бағаланғанымен, кейін бұл көрсеткіш түзетілді, деп жазды Alash.kz.
Жерасты дүмпулері Гринвич уақытымен сағат 17:56-да болған. Жер сілкінісінің ошағы Питалоса-Арриба елді мекеніне жақын жерде орналасқан. Алғашқы мәлімет бойынша, ошақ 33 шақырым тереңдікте жатқан.
Куәгерлердің айтуынша, дүмпулер Панама астанасында және көршілес Коста-Рикада да сезілген. Кейбір ғимараттардан адамдар эвакуацияланған. Әзірге қираған нысандар туралы ақпарат түспеген.
Жер сілкінісінен кейін Орталық Американың Тынық мұхиты жағалауының бір бөлігіне, сондай-ақ Колумбия мен Эквадорға цунами қаупі туралы ескерту жарияланды. Чили билігі де осындай ескерту жасаған.
