Белгілі актер әрі продюсер Нұрлан Қоянбаевтың әлеуметтік желідегі соңғы ауруханадағы сторисі оқырмандарын алаңдатып қойды, деп хабарлайды Alash.kz ұлттық порталы MadeniPortal.kz порталына сілтеп.
Өнер иесі аурухана төсегінде жатқан суретін жариялаған. Кадрда ол ақ жайма жамылып, бір қолымен төсек тұтқасынан ұстап отырған күйі көрінеді.
Сториске "Жолда абай болыңыздар" деген қысқа жазба қалдырған. Осыдан кейін желі қолданушылары арасында Қоянбаев жол апатына түсті ме деген сұрақ туындады.
Әзірге актердің нақты қандай жағдайға байланысты ауруханаға түскені туралы ресми ақпарат жарияланған жоқ.
