"800 мың теңге" - Павлодарда жас әйел жаңа туған сәбиін сатпақ болған (ВИДЕО)

Павлодарда 23 жастағы әйел жаңа туған баласын 800 мың теңгеге сатпақ болған, деп жазады Alash.KZ.

Түркістан облысының тұрғыны жүктілігінің соңғы кезеңінде әлеуметтік желі арқылы сәбиін сатып алатын адамдарды іздеген.

Тәртіп сақшылары оның бұл әрекетін дер кезінде әшкереледі.

Әйел небәрі үш күндік нәрестені ақшаға бермек болған кезде ұсталды.

Қылмыстық іс қозғалып, күдікті уақытша ұстау изоляторына қамалды.

Қазіргі таңда жаңа туған қыз бала дәрігерлердің бақылауында.