5 баласы өртенген әйел 5 жылға сотталды

Жітіқарадағы өртте 5 баласы қаза тапқан ана 5 жылға сотталды, деп жазады Alash.KZ.

Ол өрт қауіпсіздігі талаптарын бұзғаны үшін кінәлі деп танылды.

Белгілі болғандай, әйел балаларын қараусыз қалдырып, үлкен ұлына үйдің іші салқындаған жағдайда пешке от салуды тапсырған.

Ұлы пешке отын, көмір және тұрмыстық қоқыстарды жағып, пеш жанында белгісіз сұйықтығы бар пластикалық бөтелкені отқа салған.

Бұл жалынның күшейіп, үйдің өртенуіне себеп болған.

Салдарынан 5 бала қайтыс болды.

Сотталушы өз кінәсін толық мойындап, істеген ісіне өкінетінін айтып, бас бостандығынан айырмауды сұраған.

Нәтижесінде, оған 5 жылға бас бостандығынан айыру жазасы тағайындалды.

Сот әйелдің жас баласының болуына байланысты жазасын өтеуді кейінге қалдырды.