Бұл туралы Президент Қазақстан халқын Жаңа жыл мерекесімен құттықтауында айтты, деп жазады Alash.KZ.
«2026 жылы Қазақстан жаңғырудың жаңа кезеңіне қадам басады. Еліміздің жарқын келешегі үшін алдағы конституциялық реформаның мән-маңызы зор. Азаматтарымыз Қазақстанның өсіп-өркендеуіне тың серпін беретін бұл реформаны қолдайды деп сенемін.
Біз энергетикалық әлеуетімізді нығайтып, агроөнеркәсіп кешені, су шаруашылығы мәселелерін шешіп, көлік-логистика саласын және тұрғын үй-коммуналдық шаруашылығының инфрақұрылымын дамыта береміз.
Шағын және орта бизнес әрдайым мемлекеттің назарында болады. Барлық өңірде жаңа кәсіпорындар ашылып, жолдар жөнделеді, сондай-ақ тұрғын үйлер, мектептер, денсаулық сақтау, спорт және мәдениет нысандары бой көтереді.
Мен биылғы Жолдауымда Цифрлық мемлекет болуымыз керектігін жарияладым. Сондықтан келесі жылды Цифрландыру және жасанды интеллект жылы деп атау туралы шешім қабылдадым. Озық технологиялар еліміздің барлық саладағы әлеуетін арттыруға жол ашпақ.
Өскелең ұрпаққа қамқорлық көрсету – басты міндетіміз. Менің бастамаммен жүзеге асырылып жатқан «Ұлттық қор – балаларға» жобасы аясында осымен үшінші жыл қатарынан әр баланың есепшотына қаражат түседі.
Мемлекет өзінің әлеуметтік міндеттемелерін орындай береді. Біз білім беру және денсаулық сақтау салаларын дамытуға әрдайым айрықша назар аударамыз», – деді Мемлекет басшысы.
2026 жыл Цифрландыру және жасанды интеллект жылы болып жарияланды
Туризм және спорт министрлігінде кадрлық ауыс-түйіс: Жаңа вице-министр тағайындалды
22:00, 16 қараша 2026
Әлихан Мәулет батуттағы гимнастикадан әлем чемпионатында күміс медаль жеңіп алды
20:00, 16 қараша 2026
«Ерекше ықылас… Сыйлық дайындадық»: Димаш Құдайберген қуанышты жаңалығын бөлісті
16:09, 16 қараша 2026
Кадрлық ауыс-түйіс: «ҚазМұнайГаз» басшысының бірінші орынбасары қызметінен босатылды
15:36, 16 қараша 2026
«ҚазҰУ-да тағы бір 1-курс студенті көз жұмды»: Алматы полициясы күдіктіні ұстады
15:06, 16 қараша 2026
Олжас Бектенов Халықаралық валюта қоры миссиясының Қазақстан бойынша басшысымен кездесті
14:30, 16 қараша 2026